comedor escolar

Podes solicitar a túa praza desde a web de Jardanay, accedendo ao apartado de "Área Cliente" e seleccionando o Ceip Luís Seoane 

Usuario: Luis Seoane 

Contraseña: Comedores2025

ALTAS, BAIXAS E MODIFICACIONS

• O período para poder realizar altas de cara ao inicio do curso esténdese desde o 16 de xuño ata o 31 de agosto.

• Para o resto do curso, o período para poder realizar novas altas, baixas ou modificacións finalizará o día 26 do mes anterior e estas terán efecto exclusivamente o día 1 do mes seguinte (exemplo: se se solicita a modificación con data 29 de outubro para o 1 de novembro, estaría fóra de prazo e tería efectos para o 1 de decembro).

• Se o formulario está correctamente rexistrado, recibirase unha copia da solicitude no enderezo de correo electrónico indicado nel. Esta copia equivale a unha confirmación de praza, agás que exista algún problema de prazas no centro. Nese caso, a empresa porase en contacto coas familias.

• Non se poderán comunicar altas, baixas ou modificacións de uso do servizo por ningunha outra vía diferente ao formulario web (non é válido o teléfono, correo electrónico, etc.).

• É obrigatorio cubrir os campos con asterisco vermello.

• Para que a alta, baixa ou modificación dos servizos de comedor sexa válida debe cumprir todos os requisitos de admisión. O seu incumprimento pode determinar a falta de efectos da solicitude, sen que sexa preciso requirimento de emenda. De ser o caso, poderase tomar como data de solicitude aquela na que se cumpran todos os requisitos.

• O alumnado de 4º de Educación Infantil poderá incorporarse aos servizos o primeiro día que asista ao colexio en setembro (marcando a opción setembro) ou ben cando remate o seu período de adaptación. 

COBRO DO SERVIZO

• O pagamento realizarase mediante domiciliación bancaria ao número de conta facilitado no formulario, con excepción da modalidade esporádica, que se aboará mediante vale. Os vales para o uso esporádico do servizo mercaranse na páxina web: www.vales.jardanay.es. Pódese consultar o “Manual para Esporádicos/as” no menú lateral.

• De existir seguro, cobrarase co primeiro recibo bancario ou ben a primeira vez que se faga uso do servizo de forma esporádica. No caso do uso esporádico, deberase aboar o seguro cun ticket en liña a través da páxina web: www.vales.jardanay.es.

• Os gastos de devolución de recibos por causas alleas a Jardanay correrán por conta do/a usuario/a.

DIETAS ESPECIAIS

• É imprescindible que o alumnado con algún tipo de dieta especial (alerxias e intolerancias alimentarias ou dietas por motivos relixiosos) cubra adicionalmente o formulario de Dietas especiais que atoparán nesta plataforma no menú da esquerda despois de cubrir e enviar o presente formulario.

• As dietas brandas non son dietas especiais e non é necesario cubrir o formulario para solicitalas. No caso de precisar unha, enviarase un correo electrónico a comedor@jardanay.es especificando o centro escolar e o nome do/a neno/a antes das 09:00 h.

RECOLLIDA DO ALUMNADO

• Lembramos que para autorizar a recollida do alumnado por persoas diferentes aos seus titores/as, débese cubrir a lapela «Persoas autorizadas para a recollida do alumnado».

HIXIENE DE MANS E BUCODENTAL

Todos os alumn@s traeran para o lavado dos dentes  un estoxo con : vaso, cepillo e pasta de dentes.

Os estoxos serán gardados no propio comedor e mandaranse a casa cada quince días (os venres), para que se revisen e volvan en bo estado o seguinte luns.

Antes de comer lavarán as mans nos lavabos de comedor os da primera quenda, e nos lavabos do porche da entrada do cole os da segunda quenda.