Guía informativa sobre seguros escolares

Esta guía ten como obxectivo explicar de forma sinxela que coberturas existen en cada servizo do centro e como actuar en caso de accidente.

1. Horario lectivo (09:00 – 14:00)

Durante o horario escolar:

• Responsabilidade civil: corresponde ao centro educativo, de acordo co réxime de organización e vixilancia establecido pola Consellería de Educación da Xunta de Galicia.

• Atención sanitaria: a través do sistema público de saúde (SERGAS), conforme á normativa sanitaria vixente.

• Accidentes escolares: serán comunicados e xestionados pola Dirección do centro segundo os protocolos establecidos.

2. Transporte escolar

Durante os desprazamentos de entrada e saída:

• Responsabilidade civil e seguro de accidentes: corresponde á empresa concesionaria do servizo de transporte escolar, de acordo co contrato administrativo vixente.

• Cobertura: incluída obrigatoriamente na prestación do servizo.

• Accidentes: serán comunicados á empresa de transporte e, se procede, á Dirección do centro.

3. Comedor escolar (14:00 – 16:00) e servizo de MAÑANCEIROS (07:30 – 09:00)

Durante estes servizos complementarios:

• Responsabilidade na prestación do servizo: corresponde á empresa adxudicataria (Jardanay), de acordo co contrato de xestión.

• Atención sanitaria en caso de accidente:

  • Sistema público de saúde (SERGAS), como vía principal.

  • Seguro privado colectivo de accidentes, no caso de estar subscrito. 

O AFA pon á disposición das familias un seguro de accidentes colectivo para o alumnado participante no comedor escolar, sendo a sua contratación voluntaria. 

• Xestión de incidencias: o persoal responsable do servizo informará ao AFA e/ou á Dirección do centro segundo o protocolo establecido.

4. Actividades extraescolares (16:00 – 18:00)

Durante as actividades organizadas fóra do horario lectivo:

• Responsabilidade civil: corresponde á empresa organizadora da actividade, de acordo co contrato ou encargo correspondente.

• Seguro de accidentes: será obrigatorio dispoñer dun seguro de accidentes en vigor durante todo o período de participación na actividade.

O AFA pon á disposición das familias un seguro de accidentes colectivo para o alumnado participante nas actividades extraescolares, que poderá ser contratado como opción válida para cumprir este requisito.

• Condición de inscrición e permanencia:
  A participación nas actividades extraescolares queda condicionada á acreditación da existencia e vixencia dun seguro de accidentes. A falta desta cobertura impedirá a inscrición ou a continuidade na actividade, conforme ao Regulamento Interno da Asociación debidamente aprobado polas familias.

• Atención en caso de accidente: será tramitada en primeiro lugar polo seguro de accidentes contratado, sen prexuízo da atención sanitaria a través do sistema público de saúde (SERGAS) cando proceda.

• Coordinación: o responsable da actividade informará ao AFA e/ou á Dirección do centro segundo o protocolo establecido.