Regulamento actividades extraescolares

REGULAMENTO ESPECÍFICO DE ACTIVIDADES EXTRAESCOLARES

Asociación de Familias do CEIP LuÍs Seoane

CAPÍTULO I. OBXECTO E ÁMBITO DE APLICACIÓN

Artigo 1º. Obxecto

O presente Regulamento ten por obxecto establecer as normas de organización, funcionamento e convivencia das actividades extraescolares promovidas pola Asociación de Familias do CEIP Luís Seoane.

Artigo 2º. Ámbito de aplicación

Este regulamento será de obrigado cumprimento para:

• Alumnado participante.

• Pais, nais ou titores legais.

• Monitores/as e persoal coordinador.

• Xunta Directiva da Asociación.

CAPÍTULO II. ORGANIZACIÓN DAS ACTIVIDADES

Artigo 3º. Oferta de actividades

A Asociación elaborará anualmente un catálogo de actividades. A oferta poderá modificarse en función de:

• Número mínimo de participantes requirido.

• Dispoñibilidade de espazos.

• Dispoñibilidade de monitorado.

• Circunstancias organizativas ou económicas.

Artigo 4º. Horarios

As actividades desenvolveranse, con carácter xeral, de luns a xoves en horario de 16:00 a 18:00 horas, salvo que se estableza outro horario específico.

Os horarios poderán modificarse pola Asociación en beneficio do correcto funcionamento do servizo, sendo comunicados ás familias cunha antelación razoable.

Artigo 5º. Grupos e ratios

Os grupos organizaranse por idade, curso ou nivel, segundo a natureza da actividade.

Establecerase un número mínimo de alumnado para que a actividade se leve a cabo.

Establecerase un número máximo de prazas por grupo por razóns pedagóxicas e de seguridade.

Se non se alcanza o mínimo establecido, a Asociación poderá suspender a actividade, ofrecendo alternativa se fose posible.

CAPÍTULO III. INSCRICIÓN E RESERVA DE PRAZA

Artigo 6º. Requisitos

Para participar nas actividades será imprescindible:

• Ter a condición de familia asociada.

• Cubrir correctamente a ficha de inscrición.

• Estar ao día no pagamento da cota anual.

• Estar ao día no pagamento do seguro correspondente.

• Non ter débedas pendentes con outros servizos da Asociación.

Artigo 7º. Confirmación de praza

A inscrición non implica automaticamente a reserva da praza. A mesma considerarase confirmada unha vez:

• Recibida a comunicación oficial por parte da Asociación.

• Abonada a primeira mensualidade, se procede.

Artigo 8º. Listas de espera

No caso de superar a demanda a oferta dispoñible:

• Establecerase unha orde de admisión segundo os criterios previamente publicados.

• Crearase lista de espera.

• As vacantes cubriranse por orde de lista.

CAPÍTULO IV. RÉXIME ECONÓMICO E CONDICIÓNS DE PAGAMENTO

Artigo 9º. Tarifas

A tarifa xeral das actividades extraescolares establécese en 13 € mensuais por unha hora semanal de actividade.

O mes considerarase completo a efectos de cobro, independentemente do día de inicio, períodos vacacionais ou días non lectivos.

As tarifas poderán ser revisadas pola Xunta Directiva e publicadas na páxina web oficial da Asociación.

Artigo 10º. Formalización da praza

Para formalizar a participación nunha actividade será imprescindible:

• Ser membro da AFA.

• Cubrir correctamente o formulario de inscrición e aceptar as normas.

• Agardar á confirmación oficial da praza por parte da Asociación.

A praza non se considerará definitivamente asignada ata recibir confirmación expresa.

Artigo 11º. Forma de pagamento

Os pagamentos deberán realizarse antes do día 5 de cada mes mediante:

• Pago en man na oficina da AFA, de luns a xoves en horario de 16:00 a 18:00 horas.

• Ingreso ou transferencia bancaria indicando: nome e apelidos do alumno/a, curso, actividade e mes que se abona.

Conta bancaria: ABANCA – ES45 2080 0088 1330 4000 0414

Artigo 12º. Incumprimento do prazo de pagamento

Se o pagamento non se realiza dentro do prazo, a Asociación poderá considerar a praza como renunciada.

• A praza quedará liberada para outro alumno/a.

• Non se garante a reserva automática para o mes seguinte.

Artigo 13º. Baixas

As baixas deberán comunicarse antes do día 20 de cada mes.

En caso contrario, cobrarase a mensualidade seguinte.

Non se realizarán devolucións agás causas xustificadas debidamente acreditadas e valoradas pola Xunta Directiva.

CAPÍTULO V. ASISTENCIA, ENTRADAS E RECOLLIDAS

Artigo 14º. Puntualidade

• Os/as monitores/as iniciarán puntualmente a actividade.

• As familias deberán respectar os horarios de entrega e recollida.

• Establécese un período de cortesía de 10 minutos. Transcorrido este tempo poderá aplicarse a penalización económica.

• A reiteración de retrasos poderá supoñer a perda da praza.

Artigo 15º. Recollida do alumnado

A recollida realizarase unicamente:

• Nos puntos autorizados.

• Polos titores legais ou persoas previamente autorizadas por escrito.

• Non estará permitido o acceso ao interior do centro sen autorización expresa.

CAPÍTULO VI. OBRIGAS DAS FAMILIAS

Artigo 16º. Compromisos das familias

As familias ou representantes legais comprométense a:

• Abonar as cotas establecidas nos prazos correspondentes.

• Respectar os horarios de recollida.

• Facilitar información relevante sobre alerxias, intolerancias ou necesidades médicas.

• Respectar o presente regulamento e os procedementos de comunicación de incidencias e ausencias.

O incumprimento reiterado poderá ser trasladado á Xunta Directiva da AFA para a súa valoración.

CAPÍTULO VII. OBRIGAS DO ALUMNADO

Artigo 17º. Conduta e responsabilidades

O alumnado deberá:

• Seguir as indicacións do persoal monitor.

• Manter unha actitude respectuosa cara a todas as persoas.

• Cumprir as normas básicas de hixiene e convivencia.

• Utilizar correctamente utensilios e instalacións.

• Permanecer na sala ata que se indique.

• Coidar o material común.

• Manter un comportamento adecuado que favoreza a convivencia e o respecto aos dereitos das demais persoas.

Artigo 18º. Condutas contrarias á convivencia

Aplicaranse os criterios recollidos nas Normas de Organización e Funcionamento do centro e no Regulamento Xeral da Asociación.

Poderán adoptarse medidas como:

• Amoestación verbal.

• Comunicación á familia.

• Suspensión temporal da actividade.

• Expulsión definitiva en casos graves ou reiterados.

CAPÍTULO VIII. SAÚDE E SEGURIDADE

Artigo 19º. Información sanitaria

As familias deberán comunicar:

• Alerxias.

• Intolerancias.

• Enfermidades.

• Necesidades educativas ou médicas especiais.

Artigo 20º. Accidentes

• En caso de accidente, avisarase inmediatamente á familia.

• En caso grave, chamarase ao 112.

• Aplicarase o protocolo do seguro correspondente.

CAPÍTULO IX. MONITORES DE ACTIVIDADES

Artigo 21º. Formación e funcións

• Os monitores de actividades deberán contar coa formación e titulación legal en seguridade, primeiros auxilios e dinamización de actividades.

• Funcións dos monitores:

• Supervisión e acompañamento educativo.

• Atención ás necesidades específicas do alumnado.

• Educación en hábitos saudables e de convivencia.

• Comunicación de incidencias á Xunta Directiva da AFA e á Dirección do centro.

• Aplicación de protocolos de seguridade, hixiene e prevención de riscos.

• Actuación segundo protocolos en caso de accidente ou emerxencia.

CAPÍTULO X. RÉXIME DE INCIDENCIAS

Artigo 22º. Qualificación das incidencias

As condutas contrarias ás normas consideraranse incidencias leves ou graves.

A súa cualificación e as medidas correctoras aplicaranse conforme ás Normas de Organización e Funcionamento do Centro e ás Normas de Réxime Interno da AFA.

CAPÍTULO XI. RELACIÓNS COA EMPRESA CONCESIONARIA

Artigo 23º. Obrigacións da empresa concesionaria

• Garantir que todo o persoal conta coa formación e certificación esixida pola normativa vixente.

• Cumprir coa lexislación laboral e de Seguridade Social.

• Comunicar incidencias relevantes á AFA 

CAPÍTULO XII. MODIFICACIÓNS E SUSPENSIÓNS

Artigo 24º. Suspensión da actividade

A Asociación poderá suspender unha actividade por:

• Falta de inscritos.

• Incidencias organizativas.

• Causas de forza maior.

No caso de suspensión imputable á Asociación, devolverase o importe proporcional correspondente.

Artigo 25º. Modificacións

A Asociación poderá introducir modificacións organizativas necesarias para o correcto funcionamento das actividades.

CAPÍTULO XIII. ACEPTACIÓN

Artigo 26º. Aceptación expresa

O pagamento da primeira mensualidade supón o coñecemento e aceptación deste Regulamento.

DISPOSICIÓNS FINAIS

O presente regulamento é de obrigado cumprimento para todas as persoas usuarias e entidades implicadas.

Poderá modificarse por adaptación normativa ou por acordo da Xunta Directiva.